• Racha

فوائد عصير الكرفس

تاريخ التحديث: ٢٢ مارس ٢٠١٩


تجربة العصير الاخضر المكون بس من كرفس لمدة شهرين تقريبا (تقريبا خمس ايام خلال الشهرين ما شربته)

رأي وتجربتي كانت ؟؟ بشرة نقيه احسها مشدودة

هضمي تحسن ما كان في مشاكل لكن ابد ما حسيت اني معدتي ثقيلة

سدت النفس عن اشتهاء الاكل وقلت كمية اكلي

النوم تعدل وبوقته ومن انام احتاج الوقت الصح للنوم يعني بالفراش خمس دقايق واغفى لان الصحي بالنوم هو ان مو بس تحط الراس عالمخدة تغفى ولا ان تقعد بالساعات

حيث انه من الصحي ان تحتاج من خمس لعشر دقايق على ما تغفى

مع ان لي فترة ما سويت اي فحوصات طبيه وما اعرف ان كان عندي اي انفلاميشن لكن فعلا حسيت مثل healing لكل مفاصلي اصحى الصبح احس فيهم ليونه واسوي سترتشنغ بسهولة ، الحمدلله مع مرور شهر درجة الحرارة تحت الاربعين اغلب الأيام المناعة تمام لانه

مقوي مناعة طبيعي ويعطي طاقة محتاجها الجسم وما ترهق الكظرية ، يعني الطاقة اللي عندي من داخل جسمي مو مثل الكافيين وقت نشربه يجبر الجسم على إعطاء طاقة

بالعادة اسوي ديتوكس كل اربع شهور وهذي المرة كان الديتوكس (اقصد باستخدام مكملات ) التنظيف كان لطيف جدا ولأول مرة اتبع ديتوكس وما يكون بأعراض انسحابية مثل اسهال قوي او غثيان لان اكثر شي احس فيه دايما هو يوم غثيان

اللي لاحظته سلبي - ممكن بس ان جرحت ايدي ونزل دم اكثر من العادة ، يعني أعطى سيولة لدمي وهذا سهل جدا التحكم فيه بتقليل اخذي للزيوت بالسلطة

كيف اخذته اكيد رح تسألوني وطريقته

بالعصارة كنت اعصر كمية ليومين

ابدى فيه النهار اول شي عالريق وكنت انتظر تقريبا ربع لنص ساعة حتى الافطار

بديت بكوب صغير ومع الوقت زدته

ما كان عندي اي اعراض صحية حبيت اجرب التجربة واشوف النتايج لان سمعت عنه بعلاجه لكثير أمراض وعمدنا يسوون مثل شالنج وتحدي شرب عصير الكرفس

لمين ينفع!!!!؟؟؟ ينفع اللي عندهم مشاكل غدة درقية ومشاكل هضم وارتجاع وحالات السيبو وجرثومة المعدة والارتشاح

الالام مفاصل ، ديسك

تجربة جميلة تستحق ، بستمر عليه لكن مو يومي برد أنوع لان احب التنويع كل يومين نوع او استخدم بودرة جاهزة لسهولة استخدامها لان ايام كثير ما يكون عندي الوقت




١٬٤٨٦ مشاهدة٠ تعليق
Logo Website.jpg